बुधबार १३ आश्विन २०७८

बेलायतमा कोरोना भाइरसको नयाँ प्रकार छिटो गतिमा फैलिरहेको छ ।

भाइरसमा आएको उत्परिवर्तनका कारण नै भाइरस छिटो गतिमा फैलिरहेको बताइएको छ । नयाँ भाइरस सङ्क्रामक देखिए पनि अधिक घातक भएको कुनै प्रमाण देखिएको छैन । तर, यो विषयमा अनुसन्धान जारी छ ।

नयाँ प्रकारको भाइरसको सङ्क्रमणले छिटोछिटो धेरै मानिस प्रभावित हुने हुँदा अस्पतालमा भर्ना भएर उपचार चाहिने बिरामीको सङ्ख्या पनि तीव्र गतिमा बढ्ने देखिन्छ ।

नयाँ प्रकारको भाइरसबाट सङ्क्रमित भए लक्षण कस्तो देखिन सक्छ भन्ने धेरैको चिन्ताको विषय बनेको छ । बेलायतकाे राष्ट्रिय स्वास्थ्य सेवा (एनएचएस) द्वारा हाइलाइट गरिएको कोरोना भाइरसको सबैभन्दा सामान्य लक्षणबाहेक, अन्य सात लक्षण परिवर्तन भएको भाइरससँग सम्बन्धित देखिएको छ ।

कोभिड १९ को तीन सबैभन्दा सामान्य लक्षण (ज्वरो, सुख्खा खोकी तथा गन्ध र स्वाद हराउनु) बाहेक देखिँदै आएका सात अन्य लक्षण पनि कोरोना भाइरसको नयाँ प्रकारसँग सम्बन्धित छ । थकान हुने, भोक हराउने, टाउको दुखाइ, झाडापखाला, मानसिक भ्रम, मांसपेशी दुख्ने तथा छालामा आउने र्‍यास (रातो दाग) कोरोना भाइरसको नयाँ प्रकारबाट सङ्क्रमित हुँदा हालसम्म देखिएका लक्षण हुन् ।

किङ्स कलेजका अनुसन्धानकर्ताका अनुसार, कोभिड १९ हुन सक्ने कुनै पनि लक्षण देखिएमा वा सङ्क्रमित व्यक्तिको सम्पर्कमा आएमा तुरुन्तै सेल्फ आइसोलेसनमा बस्नुपर्ने तथा चाँडोभन्दा चाँडो पिसिआर परीक्षण गर्नुपर्ने हुन्छ । यसबाहेक, सङ्क्रमणको जोखिमबाट बच्नका लागि सरसफाइ र पहिलादेखि अपनाइरहेको सावधानीका उपायलाई अपनाइरहनु पर्छ ।

यो पनि पढ्नुहोस्

मेष-
शारीरिक कष्ट एवम् अनावश्यक खर्चले समस्या आउनेछ। शैक्षिक काममा व्यस्तता बढ्नेछ । कृषि एवं अन्नअनाजको व्यापारमा प्रगति हुनेछ । सवारी साधनको काममा लाभ हुनेछ । घरबाहिरको घुमघाममा सहभागी भइनेछ । आर्थिक कारोबार बढ्नाले ऋणको भार कम हुनेछ । इष्टमित्रसँग नयाँ सम्बन्ध बन्नेछ । वैदेशिक काममा फाइदा एवम् यात्राको मजा मिल्नेछ । साताको अन्त्यमा भने साथीसँग वैमनस्यता हुनेछ ।

वृष-
दाजुभाइबाट सहयोग पाइने एवम् सन्तानको स्वास्थ्यमा भने समस्या आउने देखिन्छ। चिसोको कारणले स्वास्थ्यमा समस्या आउनेछ। पारिवारिक किचलो हुनेछ जग्गाजमिनको विवाद बढ्नेछ । साताको मध्यमा प्रेममा प्रगति एवम् भोग विलासमा खर्च हुनेछ । जग्गाजमिनबाट फाइदा एवम् नोकरी रोजगारीमा राहत मिल्नेछ । साताको अन्त्यमा भने यात्राको सुख मिल्नेछ ।

मिथुन–
नयाँ काममा लगानी बढ्नेछ। घरबाहिरको काममा व्यस्तता बढ्नेछ । काममा जिम्मेवारी थपिनाले व्यक्तिगत काम पर सर्नेछ । दाजुभाइबाट सहयोग मिल्नेछ । अचानक खर्च आउनाले सञ्चित धन कम हुनेछ । अनावश्यक लाञ्छना लाग्ने एवम् पेटको समस्या हुनेछ। साताको मध्यमा भने आपसी समझदारीमा विवाद टुंगिनेछ । साताको अन्त्यमा भने व्यापार व्यवसायमा फाइदा एवम् भोजनको सुख मिल्नेछ।

कर्कट–
पशुचौपाया एवम् कृषिबाट आम्दानी मिल्नेछ। धनको सवारी साधनामा लगानी बढ्नेछ । कारोबारमा आर्थिक लाभ मिल्नेछ । स्त्रिपक्षबाट सहयोग मिल्नाले काममा सहजता आउनेछ । साताको मध्यमा भने यात्रामा खर्च बढ्ने, अनावश्यक वादविवाद हुने एवम् स्वास्थ्यमा प्रतिकुलता देखिन्छ । साताको अन्त्यमा भने पारिवारिक भेटघाट हुने, नयाँ सरसामान प्राप्ति हुने योग रहेको छ।

२७३ पटक हेरिएको

तपाईको प्रतिक्रिया