शुक्रबार ०४ आषाढ २०७८

ज्योतिष शास्त्रबाट मानिसको भूत, भविष्य र वर्तमानको फलादेश गरिन्छ ।

मानिसको जीवनमा ग्रहको प्रभाव स्वरुप विभिन्न उतारचढाव आइरहेका हुन्छन् । यस्ता समस्या निवारणको लागि आफ्ने कुन दशा चलेको छ ? कस्को पूजा गर्दा दोष निवारण हुन्छ लगायतका विषयमा ज्योतिष शास्त्रले बताउँछ ।

यहाँ हामीले जागिर तथा व्यवसायमा सफलता हासिल गर्न राशिअनुसार के गर्ने भन्ने विषयमा उल्लेख गरेका छौं–

मेष राशि

मेष राशिका मानिसको व्यवसाय शुक्रमा निर्भर हुन्छ । त्यसैले सेतो कपडा र स्फटिकको माला धारण गर्नुपर्छ । हरेक शुक्रबार लक्ष्मीमाताको आराधना गरे व्यवसाय तथा जागिरमा आएको समस्या हट्ने विश्वास गरिन्छ ।

वृष राशि

बृष राशिका मानिसका लागि बुधले सफलता दिने गर्दछ । हरेक बिहान भगवान गणेशको पूजा आरधना गरी दुबो अर्पण गरे वा बिहान बेलुका हनुमान चालीसा पाठ गरे ब्यवसाय/जागिरमा लाभ मिल्नेछ ।

मिथुन राशि

मिथुन राशिका मानिसको व्यापार–व्यवसाय शुक्र र बृहस्पतिमा निर्भर हुन्छ । नियमित रुपमा बिहान सूर्यलाई शुद्ध जलमा बेसार मिसाएर अर्पण गरेमा व्यवसाय/जागिरका क्रममा आउने समस्या समाधान हुनेछ ।

कर्कट राशि

कर्कट राशिका व्यक्तिको व्यवसाय शनिमा निर्भर हुन्छ । नियमित शनि चालीसा पाठ गरी हरेक शनिबार पीपलको फेदमा दीपदान गरेमा व्यवसाय/जागिरमा आएको ब्यवधान हटेर जानेछ ।

सिंह राशि

सिंह राशिका मानिसको व्यापार व्यवसाय शनि र मंगलमा निर्भर हुन्छ । नित्य हनुमानको श्रद्धापूर्वक उपासना गर्ने र हरेक शनिवार कालो चना दान गर्नाले व्यवसाय/जागिरको उल्झन हट्नेछ ।

कन्या राशि

कन्या राशिका मानिसको व्यापार/व्यवसाय बुध र बृहस्पतिमा निर्भर हुन्छ । व्यवसाय/जागिरमा आएको समस्या हटाउन नियमित पहेलो फूलद्धारा गणेशको पूजा–आरधना गर्ने गणेश मन्त्र जाप गर्नुपर्दछ ।

तुला राशि

तुला राशिका मानसिको व्यवसाय शनि र मंगलमा निर्भर हुन्छ । नियमित रूपमा बिहान सायं शनि मंत्र को जाप गर्ने र रातो कपडाले नरिवल बाधि व्यवसाय स्थानमा राखे समस्या हट्नेछ ।

वृश्चिक राशि

वृश्चिक राशिका मानिसहरुको व्यवसाय शुक्रमा निर्भर हुन्छ । व्यवसाय स्थलमा सेतो गणेश लक्ष्मीको मुर्ती स्थापना गरी हरेक बिहान विधिवत रुपमा नित्यकर्म तथा पूजा गर्नाले व्यवसाय/जागिरको समस्या हट्नेछ ।

धनु राशि

धनु राशिका मानिसहरुको व्यवसाय मंगल र बुधमा निर्भर हुन्छ । नियमित रूपमा हनुमानको उपासना गर्ने र बुधबार हरियो फल वा तरकारी दान गर्नाले व्यवसाय/जागिरको समस्या हट्नेछ ।

मकर राशि

मकर राशिको ब्यवसाय शुक्र र चन्द्रमा निर्भर हुन्छ । व्यवसाय स्थानमा भगवान शिवको स्थापना गरी नित्य बिहान सेतो फूलद्वारा पूजा गर्नाले व्यवसाय/जागिरको व्यवधान घटेर जानेछ ।

कुम्भ राशि

कुम्भ राशिका मानिसहरुको व्यवसाय सूर्य र शुक्रमा निर्भर हुन्छ । व्यवसाय स्थलमा तामाका भाडांमा पानि राख्नाले तथा हरेक बिहान सायं श्री सूक्तमको पाठ गरे व्यवसाय/जागिरको आउने समस्या दूर हुनेछन् ।

मीन राशि

मीन राशिका मानिसहरुको व्यवसाय चन्द्र तथा बुधमा निर्भर हुन्छ । नियमित बिहान भगवान शिवलाई दुबो र जल अर्पण गरी १०८ पटक शिव मन्त्र उच्चारण गरेमा व्यवसाय/जागिरमा श्रीवृद्धि हुने विश्वास गरिन्छ ।

जाडोमा शरीरका लागि लाभदायी रायोदेखि तामासम्मका पाँच खास तरकारी

पुसको जाडोले जनजीवन अस्तव्यस्त हुन थालेको छ  । जाडो स्वास्थ्यका हिसावले पनि केहीलाई दु:ख दिने गर्छ भने कतिपयलाई जाडो मौसम रमाइलो लाग्छ । आज हामी जाडो मौसममा ज्यानै तताउने ५ तरकारीका बारेमा जानकारी दिँदैछौँ ।

रायो
रायो हिउँदमा सजिलै उपलब्ध हुने स्वादिष्ट तरकारी हो । यो जाडो मौसमका लागि स्वास्थ्यका दृष्टिकोणले समेत एकदमै लाभदायी मानिन्छ । रायोको सागमा पाइने भिटामिन एले चिसोयाममा बढी देखिने बाथ, कफजस्ता रोग नियन्त्रण गर्छ । बाथका रोगीका लागि हुने हड्डी दुख्ने समस्याबाट राहत मिल्छ । रायो भिटामिन सीको पनि राम्रो स्रोत भएकाले यो नियमित खाँदा रुघाखोकी लाग्दैन ।

गोलभेँडा

गोलभेँडा स्वादमा मात्र नभई स्वास्थ्यका लागिसमेत उत्तिकै प्रभावकारी चिज हो । सबैजसो मौसममा उपलब्ध हुने गोलभेँडा जाडोका लागि पनि उत्तिकै फाइदाजनक छ । यसमा भिटामिन ए र सी प्रचुर मात्रामा पाइन्छ । जसले जाडोमा देखिने श्वासप्रश्वाससम्बन्धी रोग, छाला सुक्खा हुनेजस्ता समस्या नियन्त्रण गर्छ । गोलभेँडामा पाइने ल्याइकोपिनले हाम्रो शरीरमा भएको अनावश्यक फ्याट (बोसो) कम गर्छ ।

च्याउ

च्याउ सेलेनियमको राम्रो स्रोत हो । यसले स्नायु प्रणालीलाई बलियो बनाएर शरीरमा रक्तचाप बढ्न दिँदैन र रगतसम्बन्धी क्यान्सर हुनबाट रोक्छ । चिसो मौसममा विशेषगरी च्याउको सुप बनाएर खान सकिन्छ ।

यसमा प्रशस्त मात्रामा पाइने खनिज पदार्थले चिसोका कारण हुने मांसपेशी दुखाइ नियन्त्रण गर्छ । तसर्थ, च्याउ बाथका रोगीका लागि फाइदाजनक हुन्छ । त्यस्तै, यसले रगतमा सेतो रक्तकोषिका निर्माण गरी प्रतिरक्षा प्रणाली बलियो बनाउन सहयोग पुर्‍याउँछ ।

बाँसको तामा

जाडोमा तामाको सुप स्वास्थ्यका लागि लाभदायी हुन्छ । यसको तरकारी, अचारसँगै सुप पनि बनाएर खान सकिन्छ । बाँसको तामाका परिकार खाँदा उच्च रक्तचाप, मुटुरोग, कोलेस्ट्रोल बढ्नेजस्ता रोग नियन्त्रण गर्न मद्दत गर्छ । बाँसको तामामा कार्बोहाइड्रेट र फलामको मात्रा कम हुने भएकाले मधुमेह र मोटोपनका बिरामीका लागि पनि फाइदाजनक हुन्छ ।

मेथीको साग

मेथीको दाना स्वास्थ्यका लागि फाइदाजनक हुन्छ । तर, दाना मात्र नभएर मेथीको साग पनि उत्तिकै उपयोगी छ । मेथीको साग खाएमा चिसो मौसममा हुने विभिन्न संक्रमणबाट बच्न सकिन्छ ।

मेथीको सागमा पाइने एमिनो एसिडले रगतमा चिनीको मात्रालाई नियन्त्रण गर्छ । त्यस्तै, यो नियमित खाँदा रक्तचापसमेत नियन्त्रण गर्छ । त्यसैगरी, मेथीको सागमा पाइने गेलोप्टोमाइनन् नामक तत्वले मुटुलाई स्वस्थ राख्नुका साथै शरीरमा कोलेस्ट्रोलको मात्रा पनि नियन्त्रण गर्छ ।

२४६ पटक हेरिएको

तपाईको प्रतिक्रिया