शुक्रबार ०१ आश्विन २०७८

खुट्टा बाउँडिने समस्यालाई निकै समस्यालाई अंधिकाशले सामान्य समस्याको रुपमा लिदै आएका छन् । सामान्य अर्थमा खुट्टाको तिघ्रानिर अथवा पिँडौंलाको मासु फर्कनुलाई खुट्टा बाउँडिनु भनिन्छ । यस्तो हुदाँ दुखाई सहन निकै गाहे हुन्छ । विशेषगरी आराम गरेको बेलामा एक्कासी तिघ्रा र पिडौंलाको मासुको भाग खुम्चिन गई बाउँडिन्छ । यस्तो विशेषतः रातको समय हुन्छ ।

यस्तो समस्यालाई अधिंकासले भोग्दै पनि आइरहेका छन् । यो सबै उमेर समुहका मानिसलाई देखिन सक्ने भएपनि प्राय आधा उमेर पुरा गरेको वा बुढाबुढीमा अधिक हुन्छ । यसको विशेष कारणको बारेमा यहि नै हो भनेर यकिन भने गर्न सकिएको छैन्, तर यस्तो समस्या हुनुको विशेष कारणहरु यस्ता छन् ।

१.पोषकतत्व
पोषक तत्वको कमीको कारणले खुट्टा बाउडिने समस्या सिर्जना हुन्छ । जस्तैः सोडियम, पोटासियम, क्याल्सियम, म्याग्नेसियम जस्ता पोषक तत्व शरीरमा आवश्यक मात्रामा नहुदाँ खुट्टा बाउडिने वा मासु फर्कने गर्दछ । अतः यस्तो समस्या भएकाले भोजनमा यस्ता तत्वलाई सामेल गराउँनुपर्दछ । सोडियममा सकारात्मक आयोन भएको कारण यसले स्नायुको सन्देश लैजाने काम गरी मासु खुम्च्याउन सहयोग गर्छ । पोटासियमले सोडियम र क्लोराइडसगँ मिलेर विद्युतीय सन्देश निकाल्न स्नायु र मासुलाई निकाल्ने काम गर्दछ । त्यसैगरी म्याग्नेसियमले भने मासु खुम्चँदा चाहिने शक्तिमा स्थिरता ल्याउन निकै सघाउँछ ।

२.लामो समय उभिँदा
लामो समय सम्म उभिए काम गर्ने व्यक्तिलाई पनि यस्तो समस्या हुन्छ । अग्लो हिल जुत्ता लगाउने मानिस, खुट्टामा नमिल्ने जुत्ता लगाउँदा पनि यस्तो हुन्छ । २०१२मा गरिएको एक अध्यननको मा प्रकाशित खबरको अनुसार लामो समससम्म उभिनुनै खुट्टा बाउडिनुको मुख्य कारण भएको पत्ता लगाइएको थियो । त्यसैले लामो समयसम्म नउभिने वा अप्ठेरो जुत्ताको प्रयोग गर्नुहुदैन् ।

३.जलवियजन
यदि मानिसको शरीरमा पर्याप्त मात्रामा तरल पदार्थ नहुदा पनि यस्तो हुन्छ । शरीरको मासु ७५ प्रतिशत जति पानीले बनेको कारण पानी वा तरल पदार्थको कमीले मासु खुम्चने वा खुल्ने गर्दछ । त्यसैले शरीरमा तरल पदार्थको कमी हुन दिनुहुदैन् ।

४.गर्भवती
महिला गर्भवती भएपछि पनि पाठेघरले नशा तथा रक्तनलीमा चाप दिन खट्टा पल्टिने गर्दछ । शरीरमा भिटामिन बि १२ को कमि हुँदा पनि राति खुट्टा बाउडिने वा फर्कने गर्दछ ।

५. हाइपो थाइराइड
शरीरमा थाइराइडको हर्मोनको कमीले अप्रत्यक्ष रूपमा खुटृा बाउडिने वा फर्कने गर्दछ । विशेषगरी थाइराइट हार्मोनको कमीले शरीरमा क्याल्सियम शोष गरी निकै असर गर्दछ । जसको कारणले गर्दा मासु कमजोर भई यस्तो हुन्छ । त्यस्तै अनियन्त्रित मधुमेह, मध्यपानको सेवन अव्यवस्थित खानपान र विभिन्न औषधीको सेवनले पनि यस्तो हुन्छ ।

कसरी रोकथाम गर्ने ?

१.मद्यपान, धुम्रपान, चिया, कफी र सोडाको सेवन नगर्ने ।

२.प्रशस्त मात्रामा पानी, फलफुलको रस र दालको रस पिउने ।
३.यस्तो समस्या बारम्बार हुनेहरुले सुत्नु भन्दा अगाडी १० मिनेट साइकल चलाउने वा खुट्टालाई तन्काउने ।

४. सधैभरी सजिलोसगँ बसेर काम गर्ने र लामो समयसम्म उभिने काम नगर्ने ।

५.यस्तो समस्या भएपछि करिब १० देखि १५ मिनेट सम्म खुट्टा मसाज गर्ने ।

६. खुट्टा फर्केको समयमा हिड्ने वा मज्जाले हासेर एक्सरराइज गर्ने ।

७. भोजनमा सोडियम, पोटासियम, क्याल्सियम, म्याग्नेसियम जस्ता पोषक तत्व लिने ।

८. तातो पानीले सेक्ने । तर पटक पटक रुपमा खुट्टा बाउडिने वा फर्कने समस्या भएमा चिकित्सलाई देखाउनुपर्दछ । किनकि यसले गम्भीर समस्या पनि ल्याउँन सक्छ ।

मन नपरे पनि खाने गर्नोस् तिते करेला, मिल्नेछ अनेकौँ फाइदा

काठमाडौँ- सबैभन्दा तितो तरकारी करेला, धेरै कम मात्रालाई मन पर्ने गर्दछ । यसको स्वादका कारण धेरैले यसलाई रुचाउँदैनन् । यद्यपि केही भने करेला भनेपछि हुरुक्कै हुन्छन् ।स्वाद तितो भए पनि करेला स्वास्थ्यका लागि निकै लाभदायक हुन्छ । करेलामा भिटामिन बी १, बी २, बी ३, भिटामिन सी जस्ता तत्वहरु पाइन्छ । यसैगरी, करेलामा क्याल्शियम र प्रोटिन पनि पाइन्छ । यस्तोमा करेलाको सेवनले निम्न लाभ पुर्‍याउने गर्दछ ।

१. लगातार तौल बढिरहेको छ भने करेला सेवन निकै लाभदायक हुन्छ, यसको सेवनले केहि मात्रामा वजन घटाउन मद्दत पुग्दछ ।२. यसको सेवनले इन्सुलिनको मात्रा र रगतमा चिनीको मात्रा सन्तुलन राख्ने काम गर्छ ।३. करेलाको सेवनबाट इन्सुलिन सक्रिय हुन्छ र चिनीलाई बोसोमा परिणत हुन दिँदैन ।४. करेलामा फाइबरको मात्रा हुने भएकाले यसले लामो समय भोक लाग्न दिँदैन ।५. यसमा पानीको मात्रा उच्च हुन्छ, तसर्थ यसको सेवनले शरीरमा फाइदा पुर्‍याउँछ ।६. करेलाले बोसो कोशिकाहरु निर्माण र वृद्धि विकास रोक्ने काम गर्दछ ।७. करेलामा क्यालोरी र कार्बोहाइड्रेटको मात्रासमेत धेरै हुन्छ । १०० ग्राम करेलामा लगभग ३४ क्यालोरी हुन्छ ।-एजेन्सीको सहयोगमा ।

६३१ पटक हेरिएको

तपाईको प्रतिक्रिया