शुक्रबार ०१ आश्विन २०७८

काठमाडौं। अमेरिकामा फाइजरको भ्याक्सिन लगाएको केही दिन भित्रै एक जना नर्सलाई कोरोना पोजेटिभ भएको छ। ४५ वर्षकीले १८ डिसेम्बरमा कोरोना विरुद्धको भ्याक्सिन लगाएकी थिइन्। भ्याक्सिन लगाएको ६ दिनपछि उनमा कोरानाको लक्षण देखिएको थियो।

एबीसी न्यूजका अनुसार अमेरिकाको स्यान डियागोकी नस म्याथ्यू डब्ल्यूले भ्याक्सिन लगाएपछि उनका हल्का साइड इफेक्ट देखिएको थियो। सुरुमा उनको हात दुखेको थियो।

म्याथ्यू कोरोना वार्डमा काम गर्थिन्। भ्याक्सिन लगाएको ६ दिनपछि उनमा कोरोनको लक्षण देखिएको थियो। पछि कोरोना टेस्ट गराउँदा उनमा पोजेटिभ देखिएको थियो। विज्ञहरुका अनुसार भ्याक्सिन लगाएको कोही दिनभित्र कोरोना पोजेटिभ देखिनु अप्रत्यासित होइन।

अमेरिकाको स्यान डियागोका संक्रामक रोग विशेषज्ञ क्रिस्टियन ट्रायलका अनुसार भ्याक्सिन लगाएको दश देखि १४ दिनपछि मात्रै मानिसमा इम्युनिटी तयार हुन्छ। पूरा सुरक्षाका लागि दोस्रो खोप पनि लगाउनुपर्छ।

नर्सलाई भ्याक्सिन लगाउनु पहिला नै कोरोना पोजेटिभ भएको हुन सक्ने आशंका पनि व्यक्त गरिएको छ। कोरोनाको लक्षण देखिन १४ दिन लाग्छ।

झापाको चिया बगानमा के गर्दैछन् पूर्व राजा ज्ञानेन्द्र?

काठमाडौं। २०६५ साल जेठ १५ गते संविधासभाले मुलुकलाई गणतन्त्र घोषणा गरेपछि नेपालको औपचारिक रुपमा राजतन्त्रको अन्त्य भइसकेको छ।

संविधानसभाले गणतन्त्र घोषणा गरेपछि मुलुकका अन्तिम राजा ज्ञानेन्द्र नागरिक भएर बसेको १२ वर्ष भइसक्यो। यो बीचमा संविधानसभाबाट जारी भएको संविधान लागू भएको छ भने मुलुक संघीय संरचनामा पनि गइसकेको छ।

तर पछिल्लो समय मुलुकका विभिन्न स्थानमा राजको पक्षमा ‘वृहत प्रदर्शन’ हुन थालेका छन्। ‘राजा आउ देश बनाउ’ भन्दै नागरिक हातमा राष्ट्रिय झण्डा बोकेर सडकमा निस्किँदा राजतन्त्र पक्षधरहरु हर्षित देखिन्छन्।

बेला बेलामा शुभकामना सन्देश र सामाजिक संजाल ट्वीटरमार्फत आफ्ना धारणा सार्वजनिक गर्ने पूर्व राजा ज्ञानेन्द्र यतिबेला झापामा छन्। आइतबार झापा पुगेका पूर्व राजा ज्ञानेन्द्र एक पुस उतै बस्ने कार्यक्रम रहेको छ।

झापामा रहेको चियाबगानभित्रको दरबारमा रहेका पूर्व राजा ज्ञानेन्द्र राजतन्त्रको पक्षमा भइरहेको प्रदर्शनप्रति कत्तिको उत्साहित छन्? ‘अहिले मेरो सरकारसँग (ज्ञानेन्द्र) भेट भएको छैन। मैले सरकारसँग भेट नगरी केही भन्न सक्ने अवस्था छैन,’ पूर्व राजा ज्ञानेन्द्रका संवाद सचिव फणिराज पाठकले डिसी नेपालसँग भने, ‘सरकार अहिले झापामा होइबक्सिन्छ। अरु दुई तीन हप्ता उतै बस्ने योजना छ।’

केही अपुष्ट समाचार अनुसार ज्ञानेन्द्र झापा बसाइकै क्रममा भारत भ्रमणमा पनि जाने कार्यक्रम रहेको छ। तर त्यस विषयमा आफूलाई कुनै जानकारी नभएको पाठक बताउँछन्।

आइतबार झापा गएका पूर्व राजा ज्ञानेन्द्र एक पुस यतै बस्ने र आफू निकट र राजतन्त्रप्रति आस्था राख्ने नेता कार्यकर्तासँग भेटघाट गर्ने स्रोतले बताएको छ। मुलुकका विभिन्न स्थानमा राजतन्त्रको पक्षमा जनता सडकमा उत्रिएपछि त्यसको वस्तुस्थिति बुझेर तराईका जिल्लाको भ्रमणका निस्किने योजना बनाएको बताइएको छ।

३५९ पटक हेरिएको

तपाईको प्रतिक्रिया