शुक्रबार ०४ आषाढ २०७८

नुवाकोट । नुवाकोट शिवपुरी घर भएका श्याम तामांगको पेट झट्ट हेर्दा कुनै गर्भवती महिलाको जस्तै देखिन्छ । वर्षले जम्मा २९ लागेका श्यामको ज्यान फुकेर अनि हातखुट्टा सुकेर लौरी जस्तै भएको छ । छाला र हड्डी मात्रै भएका श्यामको छातिका करंगहरु मज्जैले गन्न सकिन्छ । बोल्दा बोल्दै बोली फुटेर रुन खोज्ने श्यामको दुःख साँच्चै नै भयानक छ ।

यस्तो अवस्थामा सबैको माया र साथ पाउनु पर्नेमा सबैले एकैचोटी साथ छाडी दिंदाको पिडा कस्तो हुन्छ होला ? यो प्रश्नको जवाफ श्यामबाट गतिलैगरि पाउन सकिन्छ । श्यामको उपचार उनको आर्थिक अवस्थाका कारण सम्भव छैन । उनी एक २९ वर्षीय युवा हुन् । तर उनलाई लागेको रोगको कराण भने उनी देखिंदा निकै उमेर भएका जस्ता देखिन्छन् । श्याम अहिले बिरामी भएदेखि उनको साथी नै उनको आफ्नै ओच्छ्यान मात्र छ । उनको रोग भनेको एक्कासी बढेको उनको पेट हो ।

उनको पेट गएको अषाढको महिनादेखि अचानक बढ्न थालेपछि उनलाई माया ममता दिएर ख्याल राख्नु पर्ने श्रीमतीले पनि छाडेर गएको कुरा श्यामले सुनाए । उनले भने,‘माईत जान्छु भनेर छोरा बोकेर गएकी थिई फर्किएर आएकी छैन । न त फोन नै गरेकी छ ।’ श्यामको भनाई अनुसार उनी घरको जेठो छोरा रहेछन् । उनलाई यो अवस्थामा उनका भाईहरुले हेर्नु पर्ने हो तर भाईले पनि कहिले मर्ला भनेर दिन गनेको उनी बताउँछन् ।

सबैले बलेको आगो मात्र ताप्न रुचाउँछन् भन्ने कुरा श्यामको यो अवस्था देखेर पनि उनलाई रखेदेख गर्न नचाहाने उनका आफन्तहरुको व्यवहार देखेर भन्न सकिन्छ । भएको भाईले पनि मरिस् भने किरिया गरिदिउँला भनेर गयो भन्दै श्याम भक्कानिए । यति मात्र नभई कहिले काँही यसो वरपर उभिंदा चिनेजानेकाहरुले कति महिनाको भयो ? भन्दै जिस्काएको कुरा पनि उनले दुखि हुँदै सुनाए । कसैले आफ्नो उपचार गरिदिओस् भन्ने अपेक्षामा रहेका श्याम भन्छन्………भिडियोसहित

नेपालमा पछिल्लो २४ घण्टामा थपिए ५११ कोरोना संक्रमित, ७ को मृत्यु

काठमाडौँ- नेपालमा पछिल्लो २४ घण्टामा थप ५११  जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या २ लाख ६० हजार ५९ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार नियमित लाइभ अपडेटमा उक्त जानकारी दिएका हुन् ।

मन्त्रालयका अनुसार हालसम्म कोरोनाका सक्रिय संक्रमितको संख्या ६ हजार ३०० रहेको छ ।

यसअघि मंगलबार (हिजो)को तथ्यांकअनुसार नेपालमा कोरोना संक्रमितको संख्या २ लाख ५९ हजार ५४८ थियो ।

पछिल्लो २४ घण्टामा थप ६०० जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ५१ हजार ९१२ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

यसअघि मंगलबारसम्मको तथ्यांकअनुसार नेपालमा कोरोना संक्रमणमुक्त हुनेको संख्या २ लाख ५१ हजार ३१२ रहेको थियो ।

नेपालमा पछिल्लो २४ घण्टामा थप ७ जनाको कोरोना भाइरसको संक्रमणका कारण मृत्यु भएको मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या १८४७ पुगेको छ ।

२०० पटक हेरिएको

तपाईको प्रतिक्रिया