Avokati Gjokutaj: Spiuni i serbëve Baton Haxhiu merr 18 milionë lekë në muaj

Në një dalje për mediat, Gjokutaj theksoi se këshilltari i Edi Ramës është edhe spiun i deklaruar i serbëve.
“Kjo bëhet për të futur panikun, hapet kjo lojë. Dhe në një situatë paniku siç është qëllimi i nxjerrjes së këtyre të dhënave dhe këtë e them me shumë bindje, atëherë hedhja në treg e këtyre të dhënave zhvendos vëmendjen nga të gjitha lëvizjet pozitive në politikë, që reflektojnë edhe në ekonomi.

Janë një palë frena për të penguar qëllimin e qytetarëve për një të ardhme më të mirë. Unë sot kam një informacion dhe po e bëj publik. Baton Haxhiu, një person mediatik qenka edhe drejtues menaxher i një spitali për marketingun dhe merrka 18 milionë lekë. Ndërkohë që është edhe agjent i UDB-së, i serbëve me dokumente”, u shpreh Gjokutaj.

Më tej avokati shprehu se nxjerrja e të dhënave bëhet nga struktura shtetërore. “Kam një thirrje si jurist atyre që e kanë në dorë, hiqni dorë nga paniku. Nuk mundet më të dalin të dhëna sensitive në rrugë ligjore, nëpërmjet institutit të akuzës, gjykatës…

Janë segmente brenda shtetit. Të cilët asnjëherë nuk do të marrin përgjegjësi nëse nuk do të identifikohen”, tha Gjokutaj.

Leave a comment

Your email address will not be published.