Vendimi I Konjufcës, AnuIohen Pagat E 13-Ta Për Deputetët, ska pare bodihava

Një vendim i Glauk Konjufcës i ka anuluar “bonuset” financiare të deputetëve për fundvit. Ligjvënësit nuk do të përfitojnë pagën e 13-të, sipas vendimit të kryetarit të Kuvendit të Kosovës.
Deputetët e Kuvendit të Kosovës nuk do të “shpërblehen” me pagat e 13-ta në fund të vitit 2021.
Vendimi i kryeparlamentarit Konjufca, siç ka mësuar Paparaci, i është komunikuar administratës së kuvendit gjatë kësaj jave.

Kryetari i Kuvendit të Kosovës, Glauk Konjufca ka anuluar planifikimin për ekzekutimin e pagës shtesë mbi muajin e 12-të për deputetët, ka mësuar mediumi online Paparaci nga burime të mirëinformuara brenda kuvendit.
Vitin e kaluar, deputetët kanë përfituar paga shtesë në fund të vitit, bazuar në një rregullore të brendshme të kuvendit.

Vendimi kishte nxitur debat publik mes qeverisë dhe presidencës në fund të vitit të kaluar, raporton Paparaci.

Ish-zv/ministri i Financave, përfaqësues i Qeverisë Hoti, Agim Krasniqi, kishte akuzuar institucionet e kuvendit dhe presidentes për shpërblimin e “stafeve të tyre me paga shtesë deri në 500-600 euro”.

Po ashtu, Zyra e Kryeparlamentarit të Kosovës ka vendosur që të reduktojë shpenzimet telefonike të deputetëve deri në 50 për qind, në funksion të kursimit të parasë publike. Vendimi, sipas burimeve të Paparacit brenda kuvendit, është njoftuar pranë administratës së organit më të lartë institucional.

Paga bazë e një deputeti të Kuvendit të Kosovës është 1,547 euro, duke përjashtuar kompensimet që ata marrin për pjesëmarrje në seanca, si dhe komisione parlamentare.

Pavarësisht se institucionet e Kosovës u sfiduan nga kriza e vazhdueshme pandemike dhe pasojat e saj, të cilat patën efekt negativ në ekonomi, deputetët e Kuvendit të Kosovës morën paga të plotë gjatë tërë vitit kalendarik 2021.

Leave a comment

Your email address will not be published. Required fields are marked *