Petkoviqit i ndalohet hyrja në Kosovë

Drejtorit të Zyrës për Kosovën në Qeverinë e Serbisë, Petar Petkoviqit, i është ndaluar hyrja në Kosovë, ka bërë të ditur të mërkurën zyra e tij përmes një njoftimi në Facebook.

Sipas njoftimit, kjo është hera e gjashtë që i ndalohet hyrja në Kosovë, Petkovqit.

“Drejtori Petkoviq ka theksuar se vizita është paralajmëruar me kohë dhe sipas marrëveshjeve”, thuhet në njoftimin e kësaj zyre.

Lajmin e ka konfirmuar edhe Ministria e Punëve të Jashtme për Kohën.

“Ministria e Punëve të Jashtme dhe Diasporës nuk e ka aprovuar kërkesën e zyrtarit serb Petar Petkoviq për të vizituar Kosovën në datën 15 dhjetor 2021”, thuhet në përgjigje.

Në njoftim thuhet se në agjendë, ai kishte vizitën në dy kisha dhe te një familje e kthyer serbe.
Në fakt, kohëve të fundit nuk janë lejuar vizitat e zyrtarëve në shtetet përkatëse. Para pak ditësh, Serbia nuk lejoi vizitën e disa ministrave të Kosovës në Luginën e Preshevës.

Leave a comment

Your email address will not be published. Required fields are marked *